ഓ...
കദനത്തിന്‍ കാട്ടിലെങ്ങോ,കരിയില കൂട്ടിലെങ്ങോ
കരള്‍ നൊന്തു കഴിയുമെന്‍ കുരുവി കുഞ്ഞേ
പനിമതിയറിയാതെ, പാതിരാവറിയാതെ
പവിഴചിറകു നീര്‍ത്തി പറന്നു പോരൂ (കദനത്തിന്‍..)
മണിമലര്‍ കാവിലെങ്ങോ മകരനിലാവിലെങ്ങോ
മകരന്ത ലഹരിയില്‍ മയങ്ങിവീഴാം
മലര്‍വനമറിയാതെ, മധുമാസമറിയാതെ
മമ ജീവനേ ഒഴുകിപ്പോരൂ (കദനത്തിന്‍..)
വിടവുള്ള കല്ലിലെങ്ങോ, വിറയാര്‍ന്ന കൊമ്പിലെങ്ങോ (വിടവുള്ള..)
വീണുനൊന്ത കുഴലുമായ് വരുന്ന കാറ്റേ
മതിയോടും പറയല്ലേ.. മലരോടും പറയല്ലേ..
അവളെ ഞാനിന്നു പാടി വിളിച്ച കാര്യം (കദനത്തിന്‍..)
ഓ.. ഓ.. ഓ..
പാട്ട് കേള്‍ക്കൂ
എം. എസ്സ്. ബാബുരാജ്
യേശുദാസ്
No comments:
Post a Comment