ഇന്നലെ നീയൊരു സുന്ദര രാഗമായെന്
പൊന്നോടഴലില് വന്നൊളിച്ചിരുന്നു..
മാമക കരാംഗുലി ചുംബന ലഹരിയില്
പ്രേമസംഗീതമായ് നീ പുറത്തു വന്നൂ..(ഇന്നലെ നീയൊരു..)
മാനത്തെ മട്ടുപ്പാവില് താരകാ നാരിമാരാ-
ഗാന നിര്ദ്ധരി കേട്ടു തരിച്ചു നീന്നൂ.. (മാനത്തെ..)
നീലമാമരങ്ങളില് ചാരിനിന്നിളം തെന്നല്
താളമടിക്കാന് പോലും മറന്നുപോയീ.. (ഇന്നലെ നീയൊരു..)
ഇന്നലെയൊരു നവ വാസര സ്വപ്നമായ് നീ
എന് മനോ മുകുരത്തില് വിരുന്തു വന്നൂ..
ചൈത്ര സുഗന്ധത്തത്തിനെ താലവൃന്ദത്തിന് കീഴില്
മധ്യാഹ്നമനോഹരി മയങ്ങിടുമ്പോള്..
മുന്തിരിക്കുലകളാല് നൂപുരമണിഞ്ഞെത്തും
സുന്ദര വസന്തശ്രീയെന്നപോലെ..
മുഗ്ദ്ധാനുരാഗത്തിന്റെ പാന ഭാജനം നീട്ടി
നൃത്തവിലാസിനീ നീ അരികില്വന്നൂ..(ഇന്നലെ നീയൊരു..)
പാട്ട് കേള്ക്കൂ
പി. ഭാസ്ക്കരന്, ദക്ഷിണാമൂര്ത്തി, യേശുദാസ്
No comments:
Post a Comment